Axudamos ás empresas no seu avance cara á economía circular e a descarbonización

En TEIMAS creamos solucións tecnolóxicas innovadoras e eficientes para a xestión de residuos e a economía circular para as entidades que forman parte da cadea de valor do residuo: produtores, transportistas e empresas xestoras de residuos.

O noso equipo está especializado na documentación e a normativa relativas á xestión e ao traslado de residuos. Isto permítenos entender a operativa de produtores e xestores (toda a cadea) para cubrir mellor as necesidades de xestión, procesos e reporte.

Compromiso Medioambiental TEIMAS

Contribuír ao coidado do medioambiente forma parte da nosa visión como empresa, materializado a través de proxectos tecnolóxicos como Zero. Esta plataforma foi seleccionada en 2020 pola comunidade #PorElClima como exemplo de iniciativa empresarial contra o cambio climático.

Ademais, no ámbito internacional, a fundación suíza Solar Impulse recoñeceu Zero como unha solución tecnolóxica limpa que axuda a cumprir cos Obxectivos de Desenvolvemento Sostible número 9 (“Industria, innovación e infraestrutura”) e 12 (“Produción e consumo responsables”).